Lirthei tlân dan tidanglam
Traffic SP C Lalthanmawia chuan thupek chhuahin, Hunthar Venga lei tlahniam ṭhin vanga lirthei 407 truck leh a aia lian tana Vaivakawn leh Temple Square inkara lirthei tlân dan tur thupek, April 20, 2017-a chhuah chu tihdanglam a nih thu a tarlang.
Ruahmanna thar ang chuan, 407 truck leh a chung lamte chu zan dar 8 aṭanga zan dar 11 inkarah Vaivakawn aṭangin Temple Square panin an tlan thei ang a, zan dar 11:30 aṭanga zing dar 6:30 inkarah Temple Square aṭangin Vaivakawn panin an tlân thei ang. Ruahmanna thar hi May 15-ah hman ṭan tur a ni.