Kum 2019 board exam aṭangin HSSLC-ah IES hman a ni dawn

15th May, 2017

Higher Secondary School Leaving Certifcate (HSSLC) ah kum 2019 board exam aṭangin Integrated Evaluation Scheme (IES) hman ṭan a nih dawn. High School Leaving Certifcate examination-ah chuan IES hi exam hnuhnung school session liam ta aṭang khan hman ṭan a ni.

MSBE aṭanga thudawn danin, IES hi kumin aṭang hian class 11-ah hman ṭan a ni ang a, tuna pawl 11 zirlaiten board exam an hmachhawn hun, kum 2019-ah HSSLC Board Exam-ah hman ṭan tum a ni. Kalphung thar hi ram chhung hmun dang leh khawvel ram dangah pawh hman a ni deuh vek tawh.

IES hnuaiah hian subject tinah internal-in mark 20 a pu a, board exam-in Mark 80 a pu thung.Internal-ah hian zirlaite chu an nungchang leh sikul an kai ṭhat dan te, class test leh internal exam an tih ṭhat dan a zirin mark pek an ni a, hei hi a dik thei ang bera tih a nih theih nan inkaihhruaina dan siam a ni.