Open market-a buhfai lei vangin sorkarin Thla khatah Rs. Rs. 5,62,96,100 a hum

Food, Civil Supplies & Consumer Affairs (FCSCA) department chuan thuchhuah siamin, Mizoram sorkarin buhfai a leiah a ṭha lo hmuhchhuah ṭhin a ni a, buhfai ṭha lote chu hnawl zel a nih thu a tarlang. Open market aṭanga buhfai lei vangin thla khatah Rs. Rs. 5,62,96,100 hum a nih thu a tarlang bawk.

FCSCA tarlan danin, Mizoram sorkarin buhfai (normal quota) chu Food Corporation of India (FCI) aṭangin a lei a, chu chu sorkar laipuiin state hrang hranga allocation a pek, Mizoram sorkar-in a chan a ni. FCI aṭanga lei bak zawng chu MIZOFED kaltlanga lei ṭhin a ni thung.

Supply department chuan FCI leh local pur­chase (MIZOFED) aṭanga buhfai leite chu FCSCA kudamah dawn a nih hmain endik ṭhin tih sawiin, "Loading leh unloading chhung a rei

ṭhin vang te, a vaia (100%) endik dawn chuan hun leh thâ a heh avang leh a hun taka mipuiin an hmuh hman dawn loh avangin random-a endik ṭhin a ni," an ti a; MIZOFED aṭanga buhfai dawn zingah a ṭha lo truck trip 10 vel hnâwl a ni tawh niin sawi.

Buhfai hi endik a ni chung pawhin a ṭha lo a awm palh theih thu sawiin, FCSCA chuan, "FCI aṭanga leite pawh duhthusam lo a awm ve ṭhin. Buhfai ṭha lo retailer-ten an la palh a nih chuan engtik lai pawhin FCSCA chuan thleng a phal a, retailer ṭhenkhatte pawhin thleng cháng an nei a ni," an ti.

FCSCA tarlan danin, Mizoram sorkarin Cen­tral/ FCI aṭangin econo­mic cost-a buhfai lei loa open market/local purchase (MIZOFED) kaltlanga buhfai a lei avangin thla tin sum ṭhahnem tak a hum ṭhin.

Open market/local purchase aṭangin thla tin buhfai quintal 70,000 lei a ni a, FCI aṭanga an lei loh vanga thla khata sum hum theih zat chu Rs. 5,34,96,000 a ni.

Buhfai phurh manah thla khatah Rs. 28,00,000 hum theih a ni bawk a; thla khata buhfai man leh a phurh mana sum hum theih zat chu Rs. 5,62,96,100 a ni.