Thawhho theih dan tur sawiho

AH & Vety department chuan thawktute'n ṭha zawka hna an thawhho theihna tur leh ran vulha eizawngte hlawk zawka an ṭanpui theihna atan Veterinary Polyclinic, Khatla-ah ‘Workshop on Goal Setting and Entrepreneurship Development’ an buatsaih a, Lalsawta'n a hman pui.

Lalsawta chuan AH & Vety dept.chu Mizoram ei leh bar, sum leh pai dinhmun hmasawn zel theihna atana department pawimawh tak a nih thu sawiin, "Department hnathawktuten an tih tur leh mawhphurhna hlawhtling taka an hlen chhuak ṭhin a lawmawm hle," a ti.

NEDP chungchang sawiin Lasawta chuan, "NEDP hnuaiah sorkar chu mipuite tana kawng kawhhmuhtu leh awlsamna siam saktu a ni a, mipui mamawh intawm - kawng, tharchhuah dah khawlna hmun leh khawl te chu sorkarin a buaipui dawn a ni," a ti a, NEDP chu eichawp ngawr ngawr leh mamawh tawk chauh tharchhuah kalsanna tur a nih thu a sawi.

Workshop hi AH & Vety direc­tor Dr. Saingura Sailo-in kai­hruaiin, department hmalakna leh hmachhawp hrang hrang kalkhawmte a hrilhfiah.