Buhfai mamawh 34.49% thar chhuak

2016-17 Economic Survey-in a tarlan danin, kum khat chhunga Mizoram buhfai mamawh chu metric tonne 1,80,000 a ni a, Mizoramin kum khat chhunga buhfai a tharchhuah chu metric tonne 62,089 a ni a, hei hian mipui mamawh 34.49% a phuhru a ni.

Mizoram hi tlangram a nih avangin leilet atana siam theih ram a tam loa, leilet atan siam theih ramawl hectare 74,644 aṭangin hectare 17,302 siam a ni tawh. Leilet atan siam theih ram awl, siam loh hi hectare 57,342 a la awm a ni.

Agriculture department chhinchhiah danin, sorkar kum liam ta 2016-17 chhung khan leilet aṭangin buh metric tonne 36,979 thar a ni.

Kum 2012-16 chhung khan NLUP hnuaiah leilethectare 5,825 a zau siam a ni a, hemi hun chhung vek hian RKVVY hnuaiah hectare 2,771.55 a zau siam a ni. Leilet siamna atana sum hman zawng zawng hi cheng nuai 15,169 a ni.