Kolasib-ah pawi khawihna tuartute hnenah chhawmdawlna sem a ni

Kolasib District Legal Services Authority (DLSA) chuan nimin khan Kolasib-a IPR Conference Hall-ah 'Mizoram Victims of Crime Compensation Scheme, 2011 hmangin pawi khawihna tuartu mi 16 hnenah zangnadawmna an sem.

Zangnadawmna sem inkhawm hi district bawrhsap Dr H Lalthlangliana'n a kaihruai a, pawi khawihnaa a tuartute tana chhawmdawlna siam a ni chu a lawm­awm rualin, sem ngaia pawi khawihna a thleng chu lungchhiatthlak a tih thu a sawi a; dan hriat leh zawm a pawimawh thu sawiin, "Dan zawm ṭhatna apiangah zalenna a pung ṭhin," a ti.

Kolasib DC chuan, mi tinin dan an ngaih pawimawha an zawm theih nan sorkar, tlawmngai pawl, khawtlang mipui leh chhung tinin thawhhona ṭha an neih a pawimawh thu leh, dan zawm chungchangah mi tinin an mawhphurhna ṭheuh an hlen a ṭul thu a sawi. Kolasib DLSA secretary Lalrinpuii'n Mizoram Victims of Crime Compensation Scheme chungchang a sawifiah bawk.

Mizoram Victims of Crime Compensation Scheme, 2011 hnuaia chhawmdawlna hi DLSA hnenah pawi khawihna a thlen aṭanga thla ruk ral hmain dilna thehluh tur a ni a, rokhawlhna avangin thla ruk dang pawhsei theih a ni. Dilnaah police chargesheet thehluh tel a ngai. Dilna chu DLSA-in an ngaihtuah hnuah, State Legal Services Authority-ah an thawn ṭhin a ni.

Scheme hnuaiah hian pawi khawihna tuartute'n an tawrh nasat dan azirin chhawmdawlna sum an dawng thei a; thihna, ramtuileiloa awm phahna, inrûkbona, pawngsualna leh zahmawh rawngkaia inchhaihnawmnahna, acid-a intheh leh taksa tina zawnga pawi khawihnate a huam. Chhawmdawlna sum pek ṭhin chu kum 14 aia naupangte tan 50%-in kum tling tawhte aiin a tam zawk ṭhin.