Water Conservation Competition result puang

Mizoram State RuralLivehoods MIssion (MzSRLM), Rural Development department leh PHE department hnuaia Project Management Unit-te chuan MzSRLM hnuaia self help group ( S H G ) l e h v i l l a g e organization (VO)-te tana Water Conservation Competition an buatsaih result chu July 12, Thawhlehni khan Aijal Club-ah puan a ni a, Rural Development minister Lalruatkima'n a hmanpui.

Intihsiaknaah hian SHG Category-ah Lamkhuang SHG, Rabung, Khawzawl RD Block pakhatna an ni a; VO Category-ah Hmunzawl VO, Serchhip RD Block chu pakhatna an ni.

Minister Lalruatkima chuan, tuihna humhalh a pawimawh thu sawiin, "MzSRLM hmalakna hi RD block 26-ah kalpui mek a ni a, SHG member72,025 an awm mek.

SHG-te hi sorkarin a ngai pawimawh a, eizawnna ngêlnghet an neih nan leh an eizawnna atana thiamthil an neih nan training neihpui ṭhin ani," a ti.

SHG-te'n eizawnna atana an hmalakna tur community funds (CF) a hun taka an lâk theih nan sorkarin theihtawp a chhuah tih sawiin Minister chuan, "SHG-te hnenah a hun takah pek zel ṭhin a ni a, kum 2020-21 ah CF cheng nuai 971 pek chhuah niin, kum 2021-22 chhungin nuai 3152.95 pek a ni," a ti bawk.

He huna tarlan danin, MzSRLM hnuaiah SHG 8,294, VO 710 leh CLF 34 a awm mek a ni.