KHAWTHLIR

CM pian champha
Nimin July 13 kha chief minister Zoramthanga pian champha a ni a, kum 78 a tling. CM Zoramthanga hi prime minister Narendra Modi bakah sorkar laipui leh state hrang hranga sorkar hruaitute'n Twitter kaltlangin lawmpuina an hlân. Zoramthanga hi June 13, 1944 khan Samthang khua, Champhai districtah a piang a ni.

Training hawng
Kolasib district bawrhsap John LT Sanga chuan nimin khan SIRDPR-ah ‘Training on Integrated Financial Management Information System’
a hawng. Training-ah hian Kolasib district-a sorkar pisa 52 aṭangin mi pahnih ṭheuh an tel a ni.

AR-in tanpui
8th Assam Rifles, Serchhip chuan July 12, Thawhlehni khan New Serchhip sipaiin an thihsan chhungkaw pahnih hnenah ṭanpuina an pe. Ṭanpuina an pekte chu ei leh in tur thil hrang hrang a ni.

Zun-in hawng
AMC Ward-III councillor C Lalchhandami chuan nimin khan a bial chhung, Ramhlun Vengthar MHIP Branchin ODF+ Compliance Swachh Bharat Mission (Urban) hnuaia vantlang zun-in an siam thar a hawng. C Lalchhandami chuan, AMC WardIII huam chhungah ram dang mite lakah
pawha zahpuiawm lo tur inthiarna ṭha leh thianghlim a awm theihna tur nan ṭan lâk zel a tum thu a sawi.

Heroin man
Champhai police-te chuan July 12 khan heroin gram 447.88 an man a; a neitua puh - Isak Lalruatsanga (24) Phunchawng Mel-6, Aizawl,
Hrangkapthianga (22) Rallang, Myanmar, Lalhretluanga (28) Phunchawng, Aizawl leh Chunglianmang (36), Helel, Falam, Myanmarte an man bawk.