 la 2 hnua hripui vei hmuh tam ber ní

July 12, Thawhlehni khan Mizoramah Covid-19 vei mi 142 hmuh chhuah a ni a, thla hnih chuang hnua hmuh chhuah tam ber ní a ni. Nimin khanhripui vei dam tawh mi 12 chhuahtir an ni a, Covid-19 vanga thi an awm lo.

Thawhlehnia Covid-19 positive hmuh thar mi 142-te chu mipa 70 leh hmeichhia 72 an ni a, Rapid Antigen Test hmanga hmuh chhuah vek niin, positivity rate 25.59% a ni. Thla hnih chuang, kumin April 26 (mi 164) hnua hmuh chhuah tam ber ní a ni.

Positive hmuh chhuah thar mi 142 zinga 104 chu Lunglei district-a mi an ni a, chung zinga mi 20 chu Serkawn mi niin, mi 19 chu Higher and Technical Institute of Mizoram, Lungleia mite an ni.

IDSP record angin, Mizoramah Covid-19 vei 2,30,124 hmuh chhuah a ni tawh a, mipa 1,07,120 leh hmeichhia 1,23,004 an ni a, mipa aiin hmeichhia 15,884-in an tam zawk. Nimin tlai dar 5 thleng khan mi 2,28,559 (99.32%) chhuahtir an ni tawh a, mi 706 (0.31%) thi tawhin, enkawl mek mi 859 (0.37%) an awm.

Covid-19 vei enkawl lai an pung zawl a, nimin tlai dinhmun angin, Mizorama district 11 zingah Covid-19 positive awm tawh rih lohna Lawngtlai district chiah a awm tawh. Active case tamna ber Aizawl districtah mi 449 an awm a, Lunglei district-ah mi 250 an awm bawk.