IWR dept.-a chemist laknaah MSU-in dik lo awmin an hria

Mizo Students’ Union (MSU) General Headquarters chuan nimin khan thuchhuah siamin, Irrigation & Water Resources (IWR) department-a chemist lâk turah thil fel lo a awm nia an hriat thu an tarlang. Hemi chung­changah hian July 13, 2020 khan IWR minister C Lalrinsanga hmuin an sawipui.

IWR department-a chemist lakna atana qualification tihlan­ah zirlaite rilru tina thei thil a awm avangin MSU chuan chemist lakna chu sawn hla rih turin IWR Minister an ngen a; IWR Minister leh department hotute pawhin chemist leh post dangte lakna an kalpuiah, interview chauh hmabak tawhte chu an sawn hla ta niin MSU chuan an tarlang.