NLCPR hnuaiah project 57 kalpui mek ; Project atan nuai 62,334 ruahman

Mizoram sorkar chuan, DoNER Ministry hnuaiah Non Lapsable Central Pool of Resources (NLCPR) hmanga project kalpui mek 57 a nei a, chu'ng project-te thawhna atan chuan cheng nuai 62,334.86 ruahman a ni.

Planning department tarlan danin, NLCPR hnuaiah hian project 88 thawh zawh a ni tawh a, hna thawhna atan cheng nuai 59,128.61 hman a ni.

Project kalpui mek 57 atana suam ruahman cheng nuai 62,334.86 aṭangin cheng nuai 37,031.39 pek chhuah a ni tawh a, sum pek chhuah a nih theihna atan utilisation certifcate cheng nuai 26,002.81 hû thehluh mek a ni.

Project kalpui mekte hi head hrang hrang pasarihah ṭhen a ni a; Education hnuaiah project 13, Health hnuaiah project pathum, miscellanous hnuaiah project 13, Power hnuaiah project pahnih, Road & Bridges hnuaiah project 11, Sports hnuaiah project pakua leh Water Supply hnuaiah project paruk kalpui a ni.

Hetih lai hian, NLCPR chuan Mizoram sorkarin project a thehluh zingah 27 chu a thuphungin a pawm (retained) mek a, chu'ng project-te thawhna atan chuan cheng vbc. 282.71 ruahman a ni.