PWD Commissioner la ruat lo Ruat thuai tum a ni - SWD

Mizoram sorkarin January 22, 2016-a Person with Disability (PWD) commissioner B Sairengpuii a chawlhtir hnuah PwD Commissioner thar a la ruat lo. Social Welfare department (SWD) hotute chuan, PwD Commissioner ruat thuai tum a nih thu an sawi.

SWD hotute hnen aṭanga thu dawn dan­in, tun hma lama noti­fication hmanga PwD Commissioner ruat ṭhin chu ṭha tawk loa ngaih a nih avangin recruitment rules hmanga ruat a nih theih nan sorkarin hma a la a ni.

SWD-in sorkar laipuia Social Justice and Empowerment Ministry hnuaia Department of Disability-a Chief Commissioner-in PwD Commissioner ruatna tur inkaihhruaina dan a duan zûlzuiin, Mizoram nena inmil turin Guidelines for Recruitment of Commissioner of Dis­ability a duang.

Guidelines for Recruit­ment of Commissioner of Disability hi Cabinet-in an pawm hnuah hmalak zui zel a ni a, PwD Commissioner ruat tur hian an mi ruat tur thlangtu tur Search Committee din a ni tawh. He hna dil theih hun hi hawn thuai tum a ni.

MSU-in PwD Commi­ssioner atana rawih nawn B Sairengpuii chu báng tura an phût avangin, Mizoram sorkar chuan PwD Commissioner atana B Sairengpuii rawih nawnna order chu January 22, 2016 khan a sût a; chumi hnuah PwD Commissioner hna hi Social Welfare Secretary-in a hmui a ni.