Police-in virus laka inven dan tarlang

Mizoram Police chuan thuchhuah siamin, tun hnaiah virus chi khat ransomware hlauhawm tak 'Wannacry' a darh chiam thu tarlangin, "Khawvel tam hrang hrang 100 chuang zeta computer system-te a khawih buai mek," an ti a, he mi laka inven dan turte an tarlang.

Mizoram Police tarlan danin, Wannacry hian India rama computer te pawh a khawih buai chho mek a ni. Ransomware chu computer tibuai thei software chi khat a ni a, a thawhdanah chuan kan computer-a file zawng zawngte hawn theih lohin a siam danglam a, file-te hawng thei tur chuan pawisa tam tak an phut ṭhin a ni.

Wannacry laka inven dan
Ü Windows security patch MS17-010 hi install chuan computer a alo lut tur a veng thei a, windows automatic a update lote tan hetah hian he security path hi download theihin a awm a, download zawhah install mai tur a ni.(https://technet.microsoft.com/…/libr…/security/ms17-010.aspx)
Ü Firewall atangin port 139,445 leh 3389 te block tur.
Ü Mi i hriat ngailoh hnen atangin email i dawn emaw, company i hriat ngailoh hnen atanga email i dawn emawin attachment hawng suh.
Ü SMB disable rawh. Hei hi windows features atangin a disable theih a ni.
Ü I web browser ah pop-up block rawh. Hei hi browser setting ah set theih a ni emaw install theih a ni.
Ü Windows security update thar install thin ang che.
Ü Antivirus ṭha tak hmang la, update tha ang che.
Ü I file pawimawh zualte external hard disk ah emaw, pendrive ah emaw DVD/CD ah te backup ṭhin rawh.
Ü File wall emaw Antivirus atangin emaw heng a hnuaia mite block rawh.