Sawifiah turin MNF President phût

Congress party chuan thuchhuah siamin, MNF president Zoramthanga'n MNF-in Mizoram zalenna an sual laiin India sipai lakah mi 3,000 vel an thi anga a sawi thu an tarlang a; hei hi Martar Thlanmual an siama hming chuang 1,563 nen a inmil lo hle tih sawiin, sawifiah turin MNF President an phût.

MPCC thuchhuah chuan, Zoramthanga'n May 10, 2017-a Hualngohmun khuaa thu a sawinaah, 'MNF-te'n zalenna kan sual chhung khan ral (India sipai) lakah mi 3,000 vel kan thi,' tiin a sawi niin a tarlang a; chutih laiin, Luangmuala Martar Thlanmuala hming chuang zat chu 1,563 a ni tih tarlangin, "Ziah hmaih leh hriat loh palh an hlauh vangin khaw hrang hrang tlawhin an zawng khawm a, an hmuh chin chu 1,563 a ni. Martar Thlanmuala mi bâk mi 1,437-te hi tute nge an nih, puang turin kan phût tlat a ni," an ti.