KHAWTHLIR

MNYF President
MNF president Zoramthanga chuan nimin khan Mizo National Youth Front (MNF) president atan Lal­rinawma (MLA), Chhinga Veng a ruat. MNYF vice president-ah H Ramdinliana, Tuikhuahtlang leh Lalremruata Chhangte, Vaivakawn-te ruat an ni a, treasurer-ah Lalzah­awma Khiangte, Ramhlun Vengthar ruat a ni. MNYF president chhuak tur K Vanlalvena chu MNF general secretary atan ruat a ni.

Jubilee pualin sem
Champhai Vengthlang Branch KṬP chuan, an branch diamond jubilee lawmna chi khat atan ni 60 chhung mi dangte tana inpekna hun an hmang ṭan. A bul ṭan nan May 15, Thawhṭanni zan khan Champhai District Hospital-ah damlo leh damlo awmpuite bakah, thawktute tan bawnghnute leh a hmeh a thlawnin an sem a ni.

H/S Sports Meet
Serchhip district High School Sports Meet 2017 chu nimin khan Thenzawl khelmualah ṭan a ni a, May 19 thleng a awh ang. Serchhip district H/S Sports Meet hi a ṭum 15-na a ni a, an district-a H/S 20
aṭangin zirlai 900 chuang an tel a, sports discipline pasarihah an intihsiak dawn. A hawnna inkhawmah hian zirlaite tan career guidance chungchang SCERT lecturer Lianchhingpuii'n a sawi a ni.

Dincham lawm
Lunglei Electric Veng MUP Unit chuan, nimin khan an veng community hall-ah an kum 43 tlin an lawm a, parliamentary secretary Joseph Lalhimpuia'n a hmanpui a, member upa ber P Lalbuka (97) hnenah Rs. 1000 an hlan. Electric Veng MUP ah hian member 303 an awm.