Nungcha humhalh dan sawiho

Mizoram State Biodiversity Board chu nimin khan chief minister Lal Thanhawla hoin a pisa-ah an ṭhukhawm a, nungcha, thing leh mau humhalhna kawnga hmalak dan tur hrang hrang an sawiho.

Chief Minister tunhma ngaihtuahin kan ramah nungcha, thing leh mau ‘biodiversity’ kan tih mai humhalh leh zirchian nachang kan hriat tak thu sawiin, “Hemi kawng­ah hian mipui mimir pawhin an mahni zawnah ṭheuh hma an lak theih nan biodiversity humhalh pawimawh zia leh a ṭul zia hi tun aia nasa leh zawka kan inzirtir a ngai in ka hria a ni,” a ti.

Meeting ah hian thlai leh thei hrang hrang Mizo­rama awm bik, Mizoram in a ta neih theih nan chak taka Geographical Indication (GI) ah hmalak chak a ṭul thu sawilan a ni.

Mizoram State Biodiversity Board hi kum 2005 ah din niin tuna board awm mek hi pangana a ni.