Chhiatna thlena inven dan zir

World Vision India (CADP) leh Lawngtlai District Disaster Management Authority (DDMA) ṭangkawp chuan nimin khan Lawngtlaia CYLA Hall-ah task force member-te tan chhiatna thlen thulha inven dan leh hmalak dan tur zirhona an buatsaih.

Training-ah hian Chhim­tuipui area-a clus­ter panga - Tuipang, Siaha, Bungtlang South, Chand­mary leh Lawngtlai cluster aṭangin disaster task force member-te koh khawm an ni a; an thil zirte chu anmahni hmun ṭheuha chhawr ṭangkai a, mi dangte pawh zirtir chhawng thei tura beisei an ni.