Aizawlah Hmar Martyr's Day hmang

Sinlung Hills Development Council (SHDC) chuan, nimin khan IPR directorate auditorium-ah Hmar Martyrs’ Day vawi 27-na an hmang a, SHDC chairman Hmingchungnunga khuallian a ni.

Hmingchungnunga chuan, Hmar Martyr's Day chu hmun hrang hranga awm Hmar hnamte inpumkhatna ní a ni tih sawiin, Martyrs' Day chuan Hmar hnam impumkhatna thlen se a duh thu a sawi a; remna leh muana zawnga Mizoram sorkar leh HPC(D)-te inbiak meknaah an inrem ngei a beisei thu te, inremna tluangtling a awm ngei a rin thu leh, SHDC chu elected council-a hlankai a nih ngei a beisei thu a sawi bawk.

Hmar Martyr's Day hmannaah hian HPC dintu leh president hmasa ber J Laldinliana, Hmar Inpui vice president J Lalchhhanhima leh Hmar Inpui (Mizoram) president Lalvenhima Hmar leh Hmar hnam pawl hruaitu dangte pawhin thu an sawi.

Hmar Martyrs' Day hi kum 1991-ah hman ṭan a ni a, Hmar hnam tana nunna chánte hriatrengna hun hman ṭhin a ni.