NH-150 kawngpui dan tum a ni

National Highway no. 150 kawngpui, Khaw­ruhlian khaw hnuaia laih tharin kawngpui awm sa a tihmin avangin July 2022 chhunga lirthei kal tlang theiha siam a nih loh chuan Khawruhlian All NGO Joint Committee chuan August 1, 2022 aṭangin NH-150 kawngpui dan an tum.

July 12, 2022-a All NGO Joint Committee, Khaw­ruhlian hruaitute ṭhukhawm chuan resolu­tion an siam a; "NH-150 Khawruhlian hnuaia laih thar chuan kan khaw luh leh chhuahna kalkawng ber a tihchhiat avangin harsatna nasa tak min thlen mek a. July 31, 2022 ral hma ngeia Khawruhlian khaw chhung paltlang kawng­pui, chhim lam leh hmar lam aṭanga lirthei luhna leh chhuahna hi lirthei eng chi pawh a kal tlang leh theih nan siamṭhat a nih loh chuan August 1, 2022 aṭangin NH-150 Khawruhlian ram chhunga kaltlang hi tiam chin awm loa dan pin a ni ang," an ti.

Khawruhlian Joint Committee-ah hian VC, Joint YMA, YMA branch pahnih, MHIP branch pahnih, Mizo Upa Pawl branch pahnih leh Khaw­ruhlian MZP-te an tel a; an harsatna tawh mek hriatthiampui a, chak taka hma lâkpui turin thuneitute an ngen a ni.