Auto rickshaw-ah meter hmang dawn

State Transport Authority (STA) chuan July 7, 2022 khan thupek (order) chhuahin, Mizorama auto rickshaw zawng zawngah fare meter vuah tur a nih thu a tarlang.

STA order-a a lan danin, fare meter vuahna tur thupek chhuah a nih hnua auto rickshaw thar neite chuan meter an vuah nghal vek tur a ni a, meter vuah lo tan registration tih theih a ni dawn lo. Auto rickshaw hlui, tlân mekte pawh order chhuah aṭanga thla ruk chhungin fare meter vuah vek tura tih an ni a, thla ruk chhunga meter vuah lote chu fitness certificate pek loh tur a ni.

Fare meter chu sorkar laipui hnuaia Standards of Weights & Measures-in a pawmpui chauh hman tur a ni a, chuan man (fare rate) sorkarin a hman mek angin meter chu siam rem (set) tur a ni. rate hman mekchu - km. khatah Rs 30 a ni a, a hnuah km. khat zelah Rs 20 belh tur a ni.

Meter chu a dik leh dik loh MVI-te'n an endik ṭhin tur thu STA chuan a tarlang bawk.