Transport dept hnuaiah Aizawl district ṭhen

Transport department chuan an department bik atan Aizawl district chu hmun hnih - Urban District leh Rural District tiin an ṭhen. Motor registration pawh MZ-09 tih a awm tawh dawn. Hei hi hman nghal tur a ni.

Hemi chungchang­ah hian Transport depart-ment chuan May 15, 2017 khan notification tichhuakin, Aizawl district chu Aizawl Urban District leh Rural District-ah ṭhen a nih thu a tarlang a; Urban district bik hian Aizawl Municipal Corporation (AMC) huam chin zawng a huam a, Rural district chuan AMC huam chin lo zawng a huam thung.

Tuna Aizawl Dis­trict Transport Office (DTO), Chaltlanga mi chu Aizawl Urban DTO tia thlâk a ni a, a awmna ngaiah a awm zui dawn. Aizawl Rural DTO chu Chaltlanga Inter State Bus Terminal building-ah siam thar a ni a, chuta motor registration tihte chu code atan MZ-09 tih hman a ni ang.