ILP Sponsor-tuin tum dawn

Siaha DC Harleen Kaur hoin nimin khan a pisaah sor­kar official, tlawmngai pawl leh thuthar thehdarhtu-te an ṭhukhawm a; ILP chungchang an sawiho. ILP thi tawh kawl man chhuah an awm chuan, a sponsor-tuin Mizoram páwna thawn hawna man a tum a ngaih bakah, pawisa chawitir an nih dawn thu tarlan a ni.

Meeting chuan, kar leh aṭangin DC office leh SP office ṭangkawpte'n ILP nei lote leh ILP thi tawh kawlte zawn chhuah hna ngawrh takin an thawk ṭan dawn tih an tarlang a; ILP neitu leh a sponsor-tute chu tih tur ṭul angte tun kar chhunga chingfel tura chahin, "Enfiah hunah ILP chungchanga mante reng reng chu dan angin an chungah rorelsak a ni ang," an ti.