MNF-in CBI chhuitir turin CM an ngen

MNF party chuan Mizo Carbon Product leh lottery chungchanga thil dik lo awmte CBI chhuitir tura ngenna, nimin khan chief minister Lal Thanhawla hnenah an thehlut.

MNF chuan, CM-in Mizo Carbon leh lottery chung­chang CBI leh ACB chhuitir tura a inpeih thu a sawi tawh avangin chhuitir tura ngenna an thehlut tih an tarlang a; Chief Minister a zin avangin PS to CM Alexander V Chawngthu hnenah an thehlut a ni.

May 12, 2017-a Congress Bhavan-a a thusawiah CBI emaw hman a ngai a nih chuan hmalakpui a inhuam thu CM-in a sawi chu lawmawm an tih thu MNF lehkhaah hian an tarlang.

MNF chuan, "Chief Secretary hnenah kan lehkha hi min 'endorse' sak la. Ani'n Mizoram sorkara thuneitu concern hnenah thu lo pein, heng thilte chhui chiang turin CBI kohna lehkha lo siam se la. I thu sawi angin an kalpui ngei a ni tih kan lo hriat ve nan chung lehkha copy-te pawh min pe thei se kan lawm tak zet ang," tiin an ziak. Lehkhaah hian MNF general secretary C Lalrammawia'n hming a ziak a ni.