Tlabung kawnga lei pahnih him loah ngai

MZP sub-head­quarters, Tlabung chuan thuchhuah siamin, Tlabung leh Lunglei inkar kawnga Phairuang lei leh Tuichawng lei chu a him tawh lo hle niin an tarlang a, uluk zawka enfiah turin thuneitute an ngen.

Tlabung MZP chuan, Phairuang lei leh Tuichawng leite chu siam­ṭhat tum mek a nia sawiin, Tuichawng lei siam nan cheng 66.93 ruahman a ni thu an sawi a, "Contractor-te nena an greement siam danah rawng hnawih leh a chhuat siam leh foundation siam chiah a ni a, welding tur tih a awm lo a, Phairuang lei leh Tuichawng lei hi welding ṭhat vek a nih loh chuan a hlauhawm hle a ni," an ti.

Lei pahnih siamna atana estimate siam dawnah PWD (Highway) hotute'n leite chu an zir chiang hmasa lo nia sawiin Tlabung MZP chuan, "Welding si loa rawng hnawih leh a chhuat siam ṭhat ringawt a, thîr tuiêk laite welding leh si loh chuan rei lo tê-ah motor lianin a zawh chuan a chhe leh mai dawn," an ti. Khawtlang mipuite him taka an zin theih nan rinawm zawka siam ṭha tura hma la turin thuneitu an ngen a ni.