RR vangin post ruak tamah ngai

Mizoram Health Multipurpose Service Association (MHMSA) chuan thuchhuah siamin, kum 2011 hnuah recruitment rules thar hmantir an nih aṭangin post ruak a tama an ngaih thu an tarlang.

MHMSA tarlan danin, RR thar hman a nih hnu hian community health officer, health supervisor post-te hnakhah mumal a ni lo. Post ruak a tam avangin hna thawh a chak thei lo a, anmahni remhriat anga thawkin, programme hrang hrangteah ni tin, thla tin thil thar a awm reng avangin health service chu mipuite'n an dawn tur ang an dawn ṭhat theih loh phah a ni.

Mipuiin health service an dawn ṭhat tawk loh chhan chu an RR kawng hrang hranga siamṭhat ngai siamṭhat lohin a nghawng cvang a nih thu sawiin MHMSA chuan, "Theihtawp chhuahin kan ngenna ngai pawimawhin directorate-in âwm min tihpui a, sorkar lamah min forward sak zel a, an chungah kan lawm tak zet zet a ni," an ti.

MHMSA chuan, an RR tihdanglam a ṭul chhan leh harstana an neihte chu Health Minister hnenah pawh an thlen fo tawh thu sawiin, "Ani pawhin theihtawp min chhuahpui a, hma min laksaknate ngai pawimawh lo ang maia ruahmanna dang an nei leh thei hi hriatthiam harsa kan ti tak zet a ni," an ti a; ruahmanna siamṭha leh turin thuneitute an ngen a ni.