Kolasib district tana hmasawnnna tur sawiho

Kolasib District Level Coordination Committee chu nimin khan Kolasib DC Dr Arun T hoin DC conference hall-ah an ṭhu a; kawng hrang hranga Kolasib district hmasawn dan tur an sawiho.

Meeting-a tarlan a nih danin, district mipuite'n district-a hmasawnna hrang hrangte hmalakna an duhkhawp lohna leh lungawi lohna SMS hmanga an thlen theihna ‘DC-Online’ siam a ni a, peih ṭep a ni tawh.

DC Online bakah hian mipuite harsatna chak zawka chinfel a nih theih nan ‘Mipuite Aw’ - mipui­ten a hmun ngeia an thlen theihna tur huang siam a ni. Mipui Aw hi June 1, 2017 DC conference hall-ah hman ṭan a ni ang a, hetah hian mipuiten an duh leh mamawh te bakah an lungawilohnate an thlen theih dawn a ni.