Gas tichingpen lai man
Central YMA Kumpuan duty-te chuan, Ningani zan zanlai pelh hnu khan Mualkhang leh Khamrang chhehvelah eirawngbawlna gas tihchingpen lai an man.
YMA Kumpuan duty-te hian gas phur truck, kawngpui sira ding an rinhlelh deuhte chu enfiahin, Khamrang khaw chhungah Zothan Indane truck MZ-01 G-8918 chhunga gas an lo thun chhawng lai an nangching a; gas rûk chhuahna, a seal leh hmanrua leh an bungraw dangte manin an hrensak nghal.
Truck hi Lalduhawma, Khamrang khalh a ni a; handyman Nghaka sawi danin, Bilkhawthlirah bûr nga an hralh ṭhen a, chumi hnawhkhahna atan bûr dang danga mi an la ṭhen a ni.
Kumpuan duty-te chuan Silchar panna kawngpuiah gas khawih chingpen ṭhinte an chêt duh meuh tawh loh avangin main road aṭanga peng, kawng dangah gas tihchingpen chíngte hi an vâi ṭhin thu an sawi.