Anti Terrorism Day hmang

Nimin khan Anti Terro­rism Day pualin Mizoram sorkar hnathawkte'n Secretariat Complex leh Secretariat Annexe-ah thutiam an chham. Secretariat Complex-a thutiam chham chu chief secretary Lalmalsawma'n a kaihruai a, Secretariat Annexe-ah chuan sec­retary Rodney L Ralte-in a kaihruai.

Anti Terrorism Day hi May 21-ah hman ṭhin a ni a, kuminah chuan Pathiannia a tlak avangin Mizoramah chuan nimin khan hman a ni.

He ni hi prime minister hlui Rajiv Gandhi thih champhaah hman ṭhin a ni a, he ni pual hian ram chhung leh páwna India sorkar pisa zawng zawng bakah, public sector undertaking-ahte tharum thawh lo tura intiamna leh inzirtirna neih ṭhin a nih bakah, tharum thawhna do tura intiamna thu an chham ṭhin a ni.