Oil phurte'n nawrh titawp

Mizoram leh Barak Valley, Assam-a oil tanker driver-te'n tiam chin awm loa an nawrh chu nimin aṭang khan an titawp a, tuialhthei phur eng emaw zat chuan nimin khan Mizoram an rawn pan leh nghal.

FCSCA department hotute hnen aṭanga thu dawn danin, Indian Oil Corporation aṭangin tui­alhthei phurtute'n Mizo­ram an rawn pan nghal thu an sawi avangin, petrol pump neitute'n petrol litre 5,000 leh diesel litre 6,000 an neih chinah department phalna/permit tel loin an hralh chhuak tur a ni lo, tih chu vawiinah sût a ni ang.