KHAWTHLIR

Free clinic
LiFCoDe (TI ) leh Rosewood Hospital ṭangkawp chuan, nimin khan Rosewood Hospital, Saron Vengah mental health awareness cum free clinic an buatsaih. Free clinic-ah hian mi ṭhahnem tak an inentir a, damdawi a thlawnin an sem bawk a ni.

Sangha khawi zirtir
Fisheries department chuan nimin khan Lersia Hall, North Vanlaiphaiah sangha khawitute tan sangha khawi dan zirna an buatsaih. Training-ah hian Fisheries-a mithiamte'n leileta sangha khawi dan te, sangha dil siam dan te, a hmun thlan dante leh sangha no neihtir dante an zirtir a ni.

Tla hlum
May 18, Ningani zan dar 6:30 vel khan Glory Zothanpuia (29) h/o Dr K Vanlalhriati, Mission Veng (permanent address - Lawngtlai) chu Lunglei Convention Centre duck hole-ah a tla a, a hmunah a thi nghal. Thu dawn danin, Glory Zothanpuia hi a tla lai hi hmu an awm lo a, a ṭhiante'n an hmuh lo rei deuh avanga an zawn hnuah duck hole mawngah thiin an hmu a ni. Glory Zothanpuia hi Lunglei MZP-in Convention Centre-a Edu Fest an buatsaiha tel tura kal a ni a; vanduaina tawh avang hian Edu Fest hi ṭhulh rih a ni.

Pass-te chawimawi
MSU headquarters, Darlawn chuan, nimin khan an khuaa SSA BRC Hall-ah Darlawn khuaa HSLC leh HSSLC pass tharte lawmpuina leh chawimawina hun an hmang a, bialtu MLA RL Pianmawia'n a hmanpui. MZP sub-headquarters, Bilkhawthlir pawhin nimin vek khan an khuaa HSLC pass thar mi 26 leh HSSLC pass thar mi 24-te chawimawina hun, Bilkhawthlir community hall-ah an hmang a, bialtu MLA K Lalrinthanga'n a hmanpui.