Hmasawnna hnathawh thlirho

Mamit District Development Coordination & Monitoring Committee chu nimin khan an chairman CL Ruala, Lok Sabha MP hoin Mamit DC conference hall-ah an ṭhu a; Centrally Sponsored Scheme (CSS) hnuaia hnathawhte an thlirho.

Meeting-a tarlan danin, Mamit district-ah hian kum 2016-17 chhungin MGNREGS hnuaia RD block tinah ni 35 ṭheuh inhlawhna siam a ni a, job card 20,705 pek chhuah a ni.

Pradhan Mantri Awas Yojana (PMAY) hnuaiah kum 2016-17 chhung­in beneficiary 391 thlan an ni a, chu'ngte chu Rs. 1,30,000 dawng tur an ni.

Pradhan Mantri Gram Sadak Yojana (PMGSY) hnuaiah Mamit-Phaizau kawng sial tura hmalak mek a ni a, tender buaipui zawh a ni tawh. West Phaileng-Damparengpui kawng siam zawh tawh a ni.

Meeting-ah hian kum 2016-17 chhunga Border Area Development Programme (BADP) hnuaiah Mamit district-a RD block pahnihte hmalakna leh hnathawh tlangpui thlirho a ni a, ṭan la zual zel turin meeting chuan thawktute an chah.