PMEGP pe lo bank 7 awm

State Level Monitoring Committee (SLMC) on PMEGP chu, nimin khan ATI conference hall-ah an ṭhu. Kum 2016-17 chhungin PMEGP loan pe chhuak lo bank pasarih an awm thu tarlan a ni.

Meeting-ah hian, PMEGP ṭanpuina diltu aṭanga harsatnate sawi chhuah a ni a, bank hnathawkte chu PMEGP ṭanpuina diltute tana remchanna siamsak tur leh nasa zawka pui tura ngen an ni. Bank aiawhte pawhin harsatna an tawh dante leh ruahmanna ṭha zawk nia an hriatte an sawi bawk.

Bank-wise Achievement on PMEGP 2016-17 in a tarlan danin, kum 2016-17 chhung khan Mizorama bank hrang hrang 25 leh an branch ṭheuhte chu hna thawh tur 4,592 siam thei turin PMEGP ṭanpuina sum nuai 1148.39 pe chhuak tura tuk an ni. PMEGP ṭanpuina sum hi PMEGP unit 711 hnenah cheng nuai 766.56 pek chhuah a ni a, chu chuan hna thawh tur 5,688 a siam.

Bank zingah Indian Overseas Bank (158%), Punjab National Bank (133.33%) leh United Bank of India (100.61%)-te chu PMGEP ṭanpuina sum pek chhuah tur tuk zat aia tam pe chhuak thei an ni.