Parking sawiho

Ningani khan UDPA minister Zodintluanga hoin, a pisaah UDPA department hmalakna hnuai­a Secretariat Complex chhunga Multi Level Car Parking sak tum chung­chang sawiho a ni.

Zodintluanga chuan, Multi Level Car Parking sak tum chu zawh a nih chuan Mizorama a lian ber a nih tur thu a sawi a, "Secretariat Complex-a thawkte leh dawrtute tana ṭangkai leh pawimawh tak tur a la nih dawn avangin a bulṭhut aṭangin UDPA mai bakah, SAD leh GAD ṭawiawmna a pawimawh," a ti.

Multi Level Car Parking hi DoNER kaltlangin cheng nuai 3,601 sênga sak tum a ni a, metre 8,000 biala zau a awh ang. Lirthei 545 (car 435 leh two wheeler 110) dah theih tura chhût a ni.