Kuhva kaihhnawihah dan kengkawh turin ngen

Hachhek Bial Kuhva Chíngtu Pawl (HBKCP) hruaitute chuan bialtu MLA Lalrindika Ralte hoin nimin khan Home secretary H Lalengmawia an hmu a, dan loa kuhva sumdawnna avanga an harsatna tawh mekte sutkian a nih theih nan dan leh thupek khauh taka kengkawh turin an ngen.

HBKCP tarlan danin, Home Secretary chuan, Kuhva chíngtute harsatna chu a theih dan ang anga chinfel a nih theih nan hmalak a tum thu a sawi a; Mamit Bawrhsap a be nghal a, a theih anga ranga hma la a, a chinfel theih a nih chuan hma la thuai turin a chah.

HBKCP chuan, dan loa sumdawnna hrang hrang kalpui ṭhin titawp tura Mizoram sorkarin dan pangngai taka hma a la a, dan a kengkawh lo a nih chuan an dan an hman zel dawn thu an tarlang.

HBKCP hruaitute hian Home minister Lalchamliana pawh hmuh an tum a, an hmuh theih loh avangin lehkha an thehlut a ni.