Police-in kuhva rah leh heroin an man

Mizoram police-te chuan July 14, Ningani zan khan Mamit district-a Kanhmun police checkgate-ah Myanmar aṭanga lak luh nia hriat kuhva rah pick-up lirthei in a phurh lai ip 11 an man.

Kuhva ip khatah hian kg. 70/80 vel zel a awm a, Rs 2,10,000 vel mana chhût a ni a, Damcherra lei aṭanga Tripura lama phurh luh tur nia hriat a ni. Kuhva rah hi police-te chuan Customs Preventive Force hnenah an hlân.

Dungtlang police-te chuan an checkgate-ah nimin khan heroin no. 4 gram 174.93 leh a neitua puh Duhlawngthluaii (36) d/o Eleazer, Falam district, Myanmar nia inchhal an man. Heroin hi international market-ah cheng nuai 87 vel hû a ni.