Tlawmngai pawl vèn ngai sorkar - ZPM Ṭhalai

ZPM Ṭhalai chuan thuchhuah siamin, tlawmngai páwlin an ven ngai khawpa Mizoram sorkar a awm chu vanduaithlak an tih thu an tarlang.

ZPM ṭhalaite chuan, chief minister Zoramthanga enkawl PWD department chu tlawmngai pawlin an enkawlpui hial ngai khawpa a awm chu vanduaithlâk an tih thu sawiin, dan kengkawh tura intiam sorkar mipuiin an puih ngaia a awm fo hi thil zahthlak a ni tih hrethiam turin Chief Minister an chah a ni.

ZPM Ṭhalai chuan, "PWD chauh ni loin, hripui lên lai aṭang tawha tlawmngai páwl leh kohhran tel loa che thei miah lo sorkar kan nei hi pawi kan ti a, thil dangah pawh tlawmngai páwl leh kohhranin an vilpui kher ngai loa dik tak leh ṭha taka hna thawk a, huaisen taka dan rorêlna kengkawh turin MNF kaihhruai Mizoram sorkar kan ngen a ni," an ti.