Loneitute tan káwl a êng dawn - BJP President

BJP, Mizoram Pradesh president Vanlalhmuaka chuan, Farmer Producers' Organisation (FPO) kaltlangin Mizorama loneitute tan káwl a êng dawn niin a sawi.

Vanlalhmuaka chuan, Mizoram-ah loneitute tan sorkar laipuiin nasa takin kawng a hawng nia sawiin, "FPO kaltlangin India ram hmun hrang hrangah hmalak a ni a, hlawhtling takin kalpui mek a ni. Mizoramah FPO kaltlang hian hmun hrang hrangah member 500 thlai chìnna tura ram nei intél khawmte chuan tih theih a ni," a ti.

Mizoram BJP President chuan, "BJP hian sorkarna kan chang a nih chuan FPO kaltlang ringawt pawh hian nasa takin farmer-te’n hma kan sawn nasa hle dawn a, Mizorama farmer-te tan káwl a êng dawn a ni," a ti a; tunah chuan Mizoramah FPO kaltlanga hmalakna a zuih ral rih niin a sawi.