Rualbanlote electoral roll-a thun dan tur rêl

Lunglei District Monitoring Committee on Accessible Election chu nimin khan DC conference hall-ah district election officer Kulothungan A, district bawrhsap kaihhruaiin an ṭhukhawm a; pianphunga rualbanlo, kum 18 tlingte electoral roll-a an chuan ngei theih nan zawn chhuaha hmalak ni se, an ti.

Kulothungan A chuan, Monitoring Committee chuan mawhphurhna pawimawh tak a neih thu sawiin, "Election Commission of India duh dan angin pianphunga rualbanlote electoral roll-a ziah luh a, vote an thlak ngei theihna tura an mamawhte ruahmansak a ni," a ti a; member-te chu theihtawp chhuah turin a chah.

Ṭhutkhawmah hian, pianphunga rualbanlo kum 18 tlingte electoral roll-ah an chuan ngei theih nan zawn chhuaha hmalak an rél a; BLO, Social Welfare department, Health & Family Welfare department leh tlawmngai pawlte'n hma lo la se, an ti.

Rualbanlote aṭangin icon thlan te, polling station tinah rualbanlote list siam leh polling station-ah vote an thlak theih nan an mamawhte ngaihtuahsakte an rel bawk.

Lunglei district-ah hian Assembly constituency parukah July 14, Ningani thlengin rualbanlo mi 258 an awm a ni.