NIT Mizoram leh IIT Madras-in Thawh dunna thuthlung an ziak

National Institute of Technology (NIT) Mizoram leh Indian Institutes of Technology (IIT) Madras-te chuan July 12, 2022 khan thawh dunna thuthlung, memorandum of understanding an ziak. Thawh dunna hnuaiah hian NIT Mizorama zirlai ti ṭha zualte'n IIT Madras-ah final year an zir thei dawn.

MoU-ah hian NIT Mizoram director Prof. S Sundar leh IIT Madras director Prof. Kamakati Veezhinathan ten hming an ziak a; thuthlung angin, NIT Mizoram-a B.Tech third year pass thar, CGPA 8.5 (80.5%) hmu pha zinga 10%-te chu IIT Madras-ah final year zir tura ruahman a ni.

Academic session thara IIT Madras-a zir turin zirlai 11 thlan nghal a ni a, zawm nghal tura beisei an ni. Mi 11-te chu hnam dang vek an ni a, Mizo zirlai an tel lo. IIT Madras-a final year zirte chuan CGPA 8 an hmuh tlin zel chuan IIT Madras-ah Ph.D an zir chhunzawm thei dawn bawk.

NIT pahnihte thawh dunnaah hian, academic leh research lama thawhhona te, zirna leh zirlai chungchanga hriat tur pawimawh inhlan chhâwn te, zirlai leh zirtirtu inkalpawh/inpuih tawn te, seminar, workshop leh meeting huaihawt dunte a tel bawk.