Floor Leader Meeting-ah tel

New Delhi-a Parliament Floor Leader Meeting, nimina neihah Lok Sabha MP C Lalrosanga a tel a, vawiina ṭan tur Parliament fûr ṭhutkhawm (monsoon session)-a thu ngaihtuah turte thlirho a ni.

C Lalrosanga chuan, Aizawl khawpui laili aṭanga Assam Rifles sawn chhuah chungchang chu Parliament-a au chhuahpui fo a ngaih tawh loh nan hma lakpui turin Defence minister Rajnath Singh a ngen.

C Lalrosanga chuan, bill 32 put luh tura ruahman zingah tribal-te hmakhua khawih thil - Forest Conservation Amendment Bill 2022 leh Wildlife Protection Amendment Bill 2021-te a ngaih pawimawh thu a sawi a; Mizoram mipui tana pawi lo tur leh ṭha tur sorkar bill-te chu thlàwp an tum thu te, Myanmar aṭanga ráltlan chungchangte a sawi.

Parliament fûr ṭhutkhawm hi July 18 aṭanga August 12, 2022 thleng neih tur a ni.