NHM-a thawkte harsatna chingfel turin sorkar phût

Congress party zirlai pawl, National Students' Union of India (NSUI), Mizoram chuan thuchhuah siamin, NHM hnuaia thawkte vau lo a, an harsatnate chinfelsak vat zawk turin Mizoram sorkar an phût tih an tarlang.

NSUI chuan, NHM hnuaia thawkte harsatna chinfel tum lo a, Mizoram sorkarin a vau chu pawi an tih thu sawiin, "Sorkar hnathawkte MNF sorkar hnuaiah vau an ni fo hi pawi kan ti tak zet a, chanvo inrahbehsaknaah kan ngai. NHM hnuaia thawkte hi a vau záwng ni loin, an harsatna tawh hi chinfelsak vat turin Mizoram sorkar kan phût a ni," an ti.