Mamit distcit ODF-a puan dan tur sawiho

22nd May, 2017

Mamit District Level Commitee on Swachh Bharat Mission (Gramin) chu May 19, 2017 khan DC conference hall-ah bawrhsap Lalbiaksangi hoin an ṭhu a; Mamit district-a khaw tinah chhung tinin inthiarna pangngai an neih theih dan tur leh Mamit district chu páwn lama inthiar lohna, open defecation free (ODF)-a puan dan tur an sawiho.

Meeting-ah hian, October 2, 2017 hmaa Mamit district chu zun leh ek thlahdah awm lohna district-a puan hman ngei tura hmalak dan tur an sawiho a; PHE, DRDA leh RD Block pathumte thawhho dan tur duan a ni.

Khaw hrang hranga ek-in sak dan tur leh ek-in nei lo chhungkuate survey neih a, a daihzai thei ang bera hmalak ni se, an ti.