Aizawl FC Ngenna

Tunlaiin Indian football kalpui tum dan chungchang leh Aizawl FC hmabak chungchangah thuthang mak tak tak a tam hle mai a, Aizawl FC dinna leh dinhmun chungchang kan han tarlang e.

1. Aizawl FC hi India rama league sang ber National League (I-League) a champion lai kan nih avangin season tharah pawh hian top league-a khel zel turah kan inngai a, chu chu AIFF a kan thlen dan pawh a ni.

2. Confederation (Asia) league khel tura qualified tawh kan nih avangin India rama top league-ah chauh awm tur kan ni a, tuna a dinhmun ang chuan ISL-a tlakhniam hi kan duh lo mai ni loin rem pawh a rem lo.

3. Tun dinhmuna ISL-in khawpui (franchise city) a thlanchhuahah Aizawl, Mizoram a tel loh avangin Aizawl FC hi ISL-a tel chi a ni lo hrim hrim a, mi ram khawpuia Mizo club home match khelh daih chu club neitu mipui ten kan pawm lo hrim hrim ang.

4. Kaisan (promotion), ngaiawh (retention) leh tlak hniam (relegation) theih ngeina league hi duhthusam a ni. Chutiang ang chi league zel chu Aizawl FC chuan khelh theih zel a tum dawn a ni. Asia level league khel tura kan inbuatsaih chhoh meknaah mipui ṭawiawmna kan dilin kan ngen nawn leh e.

Sd/- General Secretary Aizawl FC