District Sports Committee sawiho

Sports & Youth Services minister Robert Romawia Royte hoin July 18, Thawhṭanni khan District Sports Committee chungchang online hmangin sawiho a ni.

Robert Romawia Royte chuan, district tinah District Sports & Youth Office siam tuma hmalak mek a nih thu sawiin, Mizoram sorkarin ṭhalaite hmakhua ngai taka ke a pênna chu a hlawhtlin zel beiseina nen hmathlir duhawm tak a awm thu a sawi a; Mizoram Sports Policy 2019 duan a nih dan leh infiam mite hamṭhatna tura sorkarin chak taka hma a lak mek dante a sawi bawk.

Ṭhutkhawmah hian centrally sponsored scheme hrang hrang - PMJVK, Khelo India leh a dangte hmanga Mizorama infiamna hmunhmain hma a sawn dante leh district tam zawkin PMJVK kaltlanga hmunhma ṭha an neih theih dan tur te, infiam mite tana hamṭhatna - Incentive Cash Award leh The Mizoram Sports Award chungchangte sawiho a ni.

The Mizoram Sports Council (Formation and Functioning of District Sports Committee) Regulation 2022 ang chuan district tinah bawrhsapte kaihhruai District Sports Committee kalpui a ni dawn a; DSC din tawh leh awm mekte chu ṭhiah a, dan thar anga inruat/inthlan thar tur a ni.