Serchhipa kawngpui dung enfiah

Serchhip District Road Protection Squad chuan an chairman Lalmuansanga Ralte, bawrhsap mawhphurhna la mektu hoin nimin khan Serchhip khawpuia tlangdung kawngpui dung, IOC Veng leh Field Venga kawngpuite an endik.

Road Protection Squad chuan, kawngpui néka bungraw dah, tuizém, pangpar, lirthei, hmanrua leh thil dang dahte chu hun tiam chhunga senghawi turin a neitute an hriattir a; hun bituk chhunga an insingsa fel lo a nih chuan an chunga hmalak zui dan tur an ngaihtuah leh dawn tih an hrilh a ni.

Lalmuansanga Ralte chuan, "Serchhipin hma a sâwn a, a mawi a, a felfai zawk theih nan kawng kama chêng chhung tinte kan pawimawh. Vantlang mamawh kan inkalpawhna kawngpuite venhim a nih zel theih nan theihtawp i chhuah tlang ang u," a ti.