Swab sample endikna kiosk siam

Covid-19 state nodal officer Dr Pachuau Lalmalsawma chuan nimin khan Aizawla hmun 15-ah Covid-19 swab sample endikna kiosk/mega kiosk siam a nih thu a tarlang.

Aizawla kiosk-te chu Thawhṭanni aṭanga Zirtawpni thleng chawhma dar 10 aṭanga tlai dar 4 thleng hawn a ni dawn a, RT-PCR leh rapid antigen test (RAT) hmanga endik turin swab sample lak theih a ni. Inrinni leh sorkar chawlhah chuan chawhma dar 10 aṭanga chhun dar 12 thleng hawn a ni dawn thung.

Mahnia inendik (Covid self-test)-a positive-te chu SRF ID, sample ID, etc., te phai lamah thawn a ngaih ṭhin avangin an awmna aṭanga hnai ber kiosk-a duty-te hnenah inhriattir tur a nih thu tarlan a ni bawk.