Lungleiah hmeichhe pakhat thiin chhar

Nimin chawhnu dar 2 vel khan Nghahsih luiah hmeichhe pakhat thia chhar a ni a, a hnuah Lalhmangaihi (30 vel) d/o Chalchhuma, Lunglei Venghlun a ni tih hriat a ni.

Lunglei Police Station aṭanga thu dawn danin, Lalhmangaihi ruang hmuh a nih veleh YMA hruaitute hriattir a ni a, Lunglei SDPO hoin ruang lak chhuah a ni. Tu nge a nih hriat tuma police lamin hma an lak hnuah nimin tlai khan Lalhmangaihi a ni tih hriat a ni.

Lalhmangaihi hi nimin zing dar 6 vel khan an in aṭangin a chhuak a, a taksaah hliam hnuhma hmuh a ni lo. Police-te chuan thil thlen dan an chhui zui dawn.