CM-in duhthlanna dik nei turin zirlaite a fuih

Aizawl College (GAC) chuan nimin khan Vanapa Hall-ah an zirlai tharte lawmna, Freshers' Social an hmang a; khuallian chief minister Zoramthanga chuan, zirlaite chu duhthlanna dik hmang turin a fuih.

CM chuan, GAC zirlai tharte chu bul ṭan thar tur an nih angin lehkhapuan la ziah loh thar hlakah an nun an ziak dawn tih a sawi a, "Keu lêta inchhîrna a tlem thei ang ber in neihna turin nun uluk a, fimkhur tak chungin, a ṭha leh ṭangkai thei ang berin hun hmang ula, duhthlanna dik hmang ang che u," a ti.

Zoramthanga chuan, mi tin hun neih zat a inang vek tih sawiin, "Kan hun neih kan hman ṭangkai thiam danin kan hma hun a hril dawn. Hun kal tawh lamlêta siamṭhat châkna ringawta kan khah loh nan tunah hian kan nun kan fimkhur a, ngaihtuahna fím nen ke pen a ṭul," a ti a; taimakna, tumruhna leh nun ulukna nen, hriselna leh ngaihtuahna tibuai theitu ruihhlo laka fihlim turin zirlaite a chah.

GAC Freshers Social-ah hian GAC zirlai, zirna leh infiamnaa ti ṭhate hnenah Academic Award leh Sport Award hlan a ni.