Nasha Mukt Bharat Campaign

Ruihhlo laka fihlim tura zirlaite zirtirna tur, Nasha Mukt Bharat Campaign khuh hawnna nimin khan Kolasib College New Multipurpose Hall-ah neih a ni a, district bawrhsap John LT Sanga'n a hawng.

John LT Sanga chuan, Nasha Mukt Bharat Campaign chu ruihhlo laka la fihlimte'n tih chhin châkna an neih lohna tura ruihhlo ṭhat lohna uar zawka zirna-in hrang hrangah inzirtirna tur leh ruihhlo vanga harsatna tâwk mekte uluk zawka enkawl an nih theihna tura hmalakna a nih thu a sawi.

Kolasib chief judicial magistrate Vincent Lalrokima chuan, ruihhlo hman sualnain pawikhawihna lian zawk a thlen ṭhin thu sawiin, ruihhlo bâwiha tángte chhan chhuah hna chu mahni phâk tâwk ṭheuha thawk turin kalkhawmte a chah a; mimal, chhungkua leh khawtlang nun tinuam turin ruihhlo laka fihlim tlân a pawimawh thu a sawi bawk.

Nasha Mukt Bharat Campaign khuhhawnna hi Kolasib district child protection officer David Zaitinvawra Hmarin a kaihruai a ni.