Parking fee atana dan siam Tihdanglam tum mek a ni

Coordination Commi­ttee on Traffic Management chu nimin khan an chair­man, Home minister R Lal­zirliana hoin a pisaah an ṭhukhawm a; AMC (Con­trol of Parking and Collec­tion of Parking Fees) Regulation, 2012 tihdang­lam chungchang an sawiho.

AMC-in regulation siamṭhat dan tur rawtna an thlen chu Committee-ah hian sawiho a nih hnuah Home Minister kaihhruaina hnuai­ah minister, secretary leh AMC hotute'n chiang leh­zuala an thlirho hnuah thu­thlukna siam tura dah a ni.

Meeting-ah hian internet kaltlanga taxi man tláwm hman theihna Aizawla lak luh tum chungchang report ngaihthlak a ni a; heng company-ah hian local taxi-te pawh an duh chuan an inziak lut thei a, internet signal ṭha tak erawh mamawh a nih thu sawi a ni. Mipuite tan a ṭangkai thei ang ber leh ṭha tura hmalak tura tih a ni.

Aizawl Traffic Jam Free hmalakna angin October 1, 2016 aṭanga chhiara kum khat chhungin AMC huam chhunga cheng, lirthei nei zawng zawngin garage an nei vek tur a ni tih hriattirna chhuah tawhah, hun tiam ni 180 a la awm thu tarlan a ni a; hun tiam ral hma ngeia gararge nei turin Commitee chuan mipui an ngen a ni.